Ayni damda Kadastr agentligida Tojikiston Respublikasi Yer resurslari va geodeziya qo‘mitasining “Fazo” ilmiy-loyihalash instituti hamda Dushanbe Aerogeodeziya Davlat unitar korxonasi vakillari bilan uchrashuv bo’lib o‘tmoqda.
Uchrashuv kun tartibidan yer va ko‘chmas mulk munosabatlari yo‘nalishidagi qonunchilikdagi o‘zgarishlar, O‘zbekistonda fazoviy ma’lumotlar milliy infrastrukturasini qurish borasida amalga oshirilgan ishlar yuzasidan tajriba almashish o‘rin olgan.
Ma’lumot uchun: 2018-yil 17-avgustda Tojikiston Respublikasi Prezidentining O‘zbekistonga tashrifi doirasida “Yer tuzish, kadastr, geodeziya, kartografiya va Yerni masofadan turib zondlash sohasida hamkorlik" bo‘yicha Hukumatlararo Bitim imzolangan bo‘lib, O‘zbekiston tomondan asosiy ijrochi Kadastr agentligi, Tojikiston Respublikasi tomonidan Tojikiston Yer resurslari va geodeziya qo‘mitasi hisoblanadi.
